2013-ին իմ իրականացրած ուսումնական նախագծերը Դպրոց-պարտեզում

Ուսումնական նախագծեր իրականացնելիս իմ կարևոր նպատակն է եղել զարգացնել սովորողների լեզվական կարողությունները, որպեսզի նախագծի վերջնական արդյունքը հեռու լինի ձևական ցուցադրական նյութ լինելուց: Քանի որ մեր իրականացրած կրթությունը նախագծային է, ուստի յուրաքանչյուր նախագծի լեզվական բովանդակությունը պետք է համապատասխանի առարկայական ծրագրի լեզվական բովանդակությանը, իսկ թեմատիկ բովանդակությամբ դրանք համապատասխանում են կրթահամալիրի օրացույցին: 2013թ իմ առաջին ուսումնական նախագիծը ըստ մեր կրթահամալիրի տոնացույցի էր: «Թումանյանական օրեր»-ին ներկայացրեցինք «Կիկոսի մահը» տեսաֆիլմը 5-րդ դասարանցիների հետ: Սկզբում հեշտացված ու պարզ անգլերենով գրեցի տեքստը, որը սովորողների համար մի հետաքրքիր դաս եղավ, որի բովանդակությունը նրանք շատ լավ գիտեին և հեշտությամբ սովորեցին այն: Տեքստի յուրացումից հետո նրանք սկսեցին տեքստի բովանդակությանը համապատասխան դրվագների պատկերներ նկարել, որից հետո սկսեցինք ձայնագրման աշխատանքները: http://www.youtube.com/watch?v=7rdy2UDc484 Երկրորդ նախագիծն ըստ ուսումնական տոնացույցի`Զատկական քառյակներ անգլերենով: Համացանցից ընտրեցի զատկական ուրախ ու տոնական անգլերեն ոտանավորներ, որոնք համապատասխանում են տվյալ տարիքային խմբին: Ոտանավորներն այնքան ուրախ էին ու պատկերավոր, որ սովորողները հեշտությամբ դրանք նկարեցին, որից հետո ստացված պատկերներին համապատասխան կատարվեցին ձայնագրման աշխատանքները: http://www.youtube.com/watch?v=C0PNWCSKq6k Յուրահատուկ սիրով կատարված նախագծով 3-րդ և 4-րդ դասարանցիների հետ նշեցինք «Ուսուցչի օրը»: Սովորողները անգլերենով պետք է կարողանային ներկայացնել իրենց սիրելի ուսուցչին և արտահայտել իրենց սերն ու ցանկությունները ուսուցչի օրվա կապակցությամբ: Նախագծի վերջնական արդյունքում մի տեսաֆիլմ ստեղծվեց, որում յուրաքանչյուր սովորող ունի իր էջը, որտեղ ներկայանում է իր ինքնանկարով և մի քանի նախադասությամբ իր սերն ու ցանկություններն է ուղղում իր սիրած ուսուցչին` գրավոր և ձայնագրված խոսքով: Տեսնել է պետք, թե որքան սեր կա յուրաքանչյուր էջում: http://www.youtube.com/watch?v=AdnYD3XnLcg «Ներկայացնում ենք մեր կատարած ուսումնական ճամփորդությունները անգլերեն» նախագիծը երկարատև է ու անընդհատ, քանի դեռ մենք ճամփորդությոնները ուսումնական գործունեության կարևոր ձև ենք համարում: Յուրաքանչյուր Ճամփորդությունից առաջ նախօրոք տեղեկատվություն եմ հայթայթում այն պատմական հուշարձանների, բարձունքների մասին, որոնք այցելելու ենք, և դեռ ավտոբուսի մեջ  աշխատում եմ անգլերենով կարճ տեղեկատվություն տալ նրանց այդ ամենի մասին: Երբ ճամփորդությունից հետո նրանք գրում են իրենց տպավորությունները, ես դրանք խմբագրում եմ և մի քանի դասաժամերի ընթացքում պարբերաբար հարց ու պատասխանների միջոցով այնպես եմ անում, որ սովորողն իր գրած նյութը կարողանում է բանավոր կերպով լավ ներկայացնել: Ես օգնում եմ սովորողներին նաև նախագծի վերջնական արդյունքի ստեղծման գործում` կազմակերպելով ձայնագրությունների, տեսանյութերի մոնտաժման աշխատանքները: Ահա 6-րդ դասարանցիների հետ սեպտեմբերի 21-ին դեպի Թեղենիս լեռը կատարած ճամփորդությունը նկարագրող տեսանյութը. http://www.youtube.com/watch?v=zg82wPUjM2U Այնուամենայնիվ, պետք չէ մոռանալ, որ իմ 6-րդ դասարանցիները «Մխիթար Սեբաստացի»   կրթահամաիրի սովորողներ են դեռ առաջին դասարանից ու նրանք երբեմն ուզում են վերջնական արդյունքն իրենց ձեռքով ստանալ: Ներկայացնում եմ 6-րդ դասարանցի Սոնա Շահբազյանի տեսանյութը: Նա ինքնուրույն է ձայնագրվել, ինքնուրույն  ընտրել  երաժշտությունը, ինքնուրույն մոնտաժել և  ստացված տեսանյութը տեղադրել է Դպրոց-պարտեզ ենթակայքում: Մխիթար Սեբաստացու օրերին ներկայացրեցինք «Մխիթար Սեբաստացու կենսագրությունը» տեսանյութը: Նախագծի աշխատանքներին ներգրավված էին 6-րդ դասարանցիները: Սկզբում անգլերեն կենսագրական տեղեկատվությունը թարգմանեցինք հայերեն, որից հետո սկսվեց տեքստի հետ աշխատանքը: Մի շաբաթվա ընթացքում բոլոր սովորողները կարողանում էին անգլերենով պատասխանել Մխիթար Սեբաստացուն վերաբերող հարցերին: Համացանցից համապատասխան նկարներ ընտրելուց հետո սկսեցինք տեսանյութի ստեղծումը: Ստեղծված տեսանյութում սովորողների անգլերեն ձայնագրություններով խոսքին զուգընթաց գրվում է նաև հայերեն թարգմանությունը: Տեսանյութը կարող է օգտագործվել նաև որպես տեսադաս այլ դասարաններում: Մխիթար Սեբաստացու կենսագրությունը        http://www.youtube.com/watch?v=SzZi1OuzwCI 6-րդ դասարանցիները «Ծննդյան տոները Ավստրիայում» նախագծի իրականացմամբ եզրափակեցին 2013 թվականը: Նախագծի իրականացմամբ սովորողները ձեռք բերեցին Ավստրիայում Սուրբ ծննդյան տոնակատարությունները անգլերենով ներկայացնելու կարողություններ: Չէ որ Ավստրիան այն երկիրն է, որտեղ դարեր շարունակ պահպանում են այս ամենահոգեհարազատ տոնի բոլոր ավանդույթները: Սկզբում համացանցում որոնեցինք և գտանք համապատասխան տեղեկատվություն անգլերենով, որից հետո ես այդ տեքստի լեզուն հեշտացրեցի և համապատասխանեցրի 6-րդ դասարանցիների լեզվական մակարդակին: Այնուհետև սովորողները սկսեցին թարգմանել տեքստը հայերեն, որից հետո սկսեցինք տեքստի հետ աշխատանքը: Ամենահետաքրքիրը նկարների ընտրությունն էր: Ավստրիացիները այնքան են կարևորում ու սիրում այս տոնը, որ հարյուրավոր նկարներ կարելի է գտնել Ծննդյան տոների արարողակարգային ավանդույթների, տոնավաճառների, ուտեստների վերաբերյալ: Երբ նկարների ընտրությունն էլ կատարվեց, սկսեցինք ձայնագրման աշխատանքները: Այնպես արեցինք, որ համապատասխան նկարը, անգլերեն խոսքը և հայերեն տողերը համընկնեն բոլոր տողերում: Տեսանյութը վերձանում է «Լուռ երեկո» երգով, որը Սուրբ ծննդյան տոների ամենասիրված երգերից է: http://www.youtube.com/watch?v=7qMtcTYxRYM

Реклама

Դիջիպատում 2013-2014

Աշխատում եմ Դպրոց-պարտեզում որպես անգլերենի դասավանդող և 2013-ի ընթացքում միշտ էլ աշխատել եմ չշեղվել իմ առարկայական ծրագրից: Ուսումնական նախագծերի բովանդակությունն էլ միշտ իր արմատներն ունեցել է մեր առարկայական ծրագրում: Օրինակ, 2013-ի ընթացքում իմ դասարաններում որպես նախագծերի վերջնական արդյունք ստեղծվեցին  հետևյալ տեսաֆիլմերը սովորողների անգլերեն ձայնագրություններով՝

Կիկոսի մահը

Զատկական քառյակներ անգլերենով

Ուսումանական ճամփորդություն

Ուսուցչի օրը

Մխիթար Սոբաստացու կենսագրությունը

Սուրբ ծննդյան տոները Ավստրիայում

 Այդ բոլոր նախագծերը առարկայական ծրագրի առանցքային թեմաներն են: Այսպիսով առարկայական ուսումնական թեման դառնում է մեր նախագիծը: Մինչև նախագծի վերջնական արդյունքի` ֆիլմի ստեղծումը, սովորողները ստանում են համապատասխան լեզվական գիտելիքներ, սովորում են խոսել և գրել փոքրիկ շարադրություններ նշված թեմաներով:

Սովորողների այլ աշխատանքները՝ իրենց կատարած ճամփորդությունները անգլերենով, թարգմանությունները, փոքրիկ շարադրությունները Երևանի մասին:

 

Կրտսեր դպրոցում անգլերենի կարճաժամկետ նախագծերի իրականացման իմ փորձը նկարագրել եմ իմ մեթոդական հոդվածում , որը հրապարակվել է Դպիրում:

Ինչպես արդեն նշեցի, կարևորում եմ կրտսեր դպրոցում առարկայական ծրագրով նախատեսված խոսքային կարողությունների զարգացումը և այդ պատճառով էլ հեղինակային մանկավարժության մեր Մայիսյան հավաքին իմ մասնակցությունը եղավ այդ թեմայով իմ հոդվածի հրապարակումը Դպիրում «4-րդ և 6-րդ դասարանների սովորողների ելքային կարողությունները անգլերենից»: Այս հոդվածը ես նաև անգլերեն ներկայացրեցի «The language competency of the learners of Grades 4 and 6 at the end of the school year»

2013-ի հոկտեմբերի 14-ից մինչև նոյեմբերի 11-ը Բրիտանական խորհրդի կազմակերպած ներառական կրթության «Կրթական հատուկ կարիքներ ունեցող երեխաների ուսուցման»  առցանց սեմինար-վերապատրաստման մասնակիցն եմ եղել: Այդ առցանց սեմինար-վերապատրաստումը շատ արդյունավետ էր, և ես ուզեցի իմ ստացած նոր գիտելիքներն ու կարողությունները փոխանցել իմ գործընկերներին: Այդ պատճառով էլ գրեցի «Ավելի մեծ հոգատարություն կրթական հատուկ կարիքներ ունեցող երեխաներին» հոդվածը, որը հրապարակվեց Դպիրում: Ուզում եմ շնորհակալություն հայտնել Հասմիկ Ղազարյանին, ում խորհուրդներին հետևելով ավելի ամբողջական դարձրեցի իմ հոդվածի նախնական տարբերակը: Այս հոդվածը ես նաև անգլերեն թարգմանեցի:

2014 թվականին պատրաստվեում եմ նույն ոգևորությամբ իրականացնել ըստ տոնական օրացույցի հետևյալ նախագծերը համապատասխան դասարանների սովորողների հետ՝

<<Ձոն կնոջը>> նախագիծ, Թումանյանական օրերին ընդառաջ. Թումանյանի <<Սուտասանը>>, Սուրբ Հարության տոնին ընդառաջ. <<Ինչպե՞ս են մարդիկ զատիկը նշում Հայաստանում>> նախագիծ: Եվ, իհարկե, շարունակելու ենք <<Մեր կատարած ուսումնական ճամփորդությունները>> նախագիծը:

 

 

 

 

 

2014 թվականին նախատեսվող նախագծեր՝ ըստ ուսումնական օրացույցի

4-րդ դասարանում նախատեսվող նախագիծ

<<Ձոնկնոջը>> նախագիծ

 

Նախագծի տևողությունը՝ մեկ ամիս (մարտի 8-ից ապրիլի 7-ը)

Մասնակիցները՝ 4-րդ դասարանցիներ

Նպատակը՝ սովորողները ձեռք են բերում շնորհավորանքներ, մաղթանքներ ասելու, գրելու, սեփական նոթբուքերով դրանք ձևավորելու և տոնի նախօրեին դրանք ուղարկելու սովորույթը:

Նախագծի վերջնական արդյունքը. տեսաֆիլմ հետևյալ բովանդակությամբ՝ յուրաքանչյուր սովորողի Paint ծրագրով  պատրաստած բացիկը իր մոր նկարագրությամբ և մորն ուղղված շնորհավորանքներով և մաղթանքներով, որն ուղեկցվում է նրա ձայնագրությամբ:

Նախագծիիրականացմանհամարանհրաժեշտգործողություններիծրագիր.

  • Սովորողները սովորում են արտահայտություններ, որոնցով կարելի է ներկայացնել իրենց մայրիկներին, ինչպես նաև արտահայտություններ, որոնցով կարելի է շնորհավորել իրենց մայրիկներին:
  • Յուրաքանչյուր սովորող Paint ծրագրով պատրաստում է  բացիկ, որի մի կողմում նրա մոր նկարագրությունն է իսկ մյուս կողմում՝ նրան ուղղված շնորհավորանքներն ու մաղթանքները:
  • Դասավանդողը ձայնագրում է յուրաքանչյուր սովորողի խոսքը և հավաքելով նրանց աշխատանքները AVS ծրագրով, ստեղծում է տեսաֆիլմը, որի վերնագիրն է` «I Love You, Mother»:

Վերջնականարդյունքը՝ ստեղծված տեսաֆիլմը դրվում է Դպրոց-պարտեզի ենթակայքում:

6-րդ դասարանում նախատեսվող նախագծեր

 

Թումանյանական օրերին ընդառաջ.  Թումանյանի «Սուտասանը» նախագիծ

1.Նախագծի իրականացման տևողությունը՝ փետրարի 12-ից 22-ը

2.Նպատակը՝ սովորողները պետք է կարողանան պատմել Թումանյանի «Սուտասանը» անգլերեն:

3. Նախագծի վերջնական արդյունքը՝ տեսաֆիլմ. «Սուտասանը» անգլերեն, որտեղ երևալու է յուրաքանչյուր սովորողի Paint ծրագրով արված հերոսների նկարները և լսվելու է նրանց անգլերեն խոսքը՝ ըստ համապատասխան նկարների բովանդակության:

4. .Նախագծի իրականացման համար անհրաժեշտ գործողությունների ծրագիրը

  • Յուրաքանչյուր սովորողին հանձնարարվում է հեքիաթից մի փոքր հատված թարգմանել:
  • Սովորողներից յուրաքանչյուրը Paint ծրագրով նկարում է 2-3 հեքիաթի բովանդակությանը համապատասխան նկար:
  • Ձայնագրվում է յուրաքանչյուր սովորողի, արդեն ստուգված, թարգմանած հատվածը:
  • Հավաքելով սովորողների ձայնագրությունները և նկարները՝ պատրաստվում է AVS ծրագրով տեսաֆիլմ:

5.Վերջնական արդյունքը. Տեսաֆիլմը դրվում է դասավանդողի բլոգում և հղումով դրվում է Դպրոց-պարտեզի ենթակայքում:

<<Մերկատարածուսումնականճամփորդությունները>> նախագիծ

1.Նախագծի իրականացման տևողությունը՝ սեպտեմբերի 15-ից հոկտեմբերի 10-ը

2. Մասնակիցները՝ 6-րդ դասարանցիներ

3.Նպատակը՝ սովորողները ձեռք են բերում տարբեր ժամանակներում իրենց արդեն արված աշխատանքները հավաքելու և տվյալ թեմայով մի ընդհանուր պրեզենտացիա անելու կարողություն անգլերեն լեզվով:

4.Նախագծի վերջնական արդյունքը՝ ուսումնական տեսաֆիլմ`«Մեր կատարած ուսումնական ճամփորդությունները»

5. .Նախագծի իրականացման համար անհրաժեշտ գործողությունների ծրագիրը

  • Սովորողները Դպրոց-պարտեզի ենթակայքում որոնում և գտնում են տարբեր ժամանակներում իրենց կատարած ճամփորդությունների մասին պատմող նյութեր` հայերեն, ռուսերեն, անգլերեն:
  • Դասարանը բաժանվում է խմբերի, որոնց քանակը հավասար է կատարած ճամփորդությունների թվին և յուրաքանչյուր խումբ ստանձնում է մի որևէ ճամփորդության մասին պատմելու պատասխանատվությունը:
  • Ձայնագրվում է նրանց, արդեն ստուգված, շարադրանքի նյութը:
  • Հավաքելով շարադրանքները, ձայնագրությունները և ընտրված  լուսանկարները, դասավանդողը պատրաստում է AVS ծրագրով մի ուսումնական տեսաֆիլմ «Our Educational Trips» վերնագրով:
  1. Վերջնական արդյունքը՝ տեսաֆիլմ «Our Educational Trips», որը հնարավոր կլինի ներկայացնել տարբեր ստուգատեսներին:

Սուրբ Հարության տոնին ընդառաջ. <<Ինչպե՞սենմարդիկնշումզատիկըՀայաստանում>> նախագիծ

1.Նախագծի տևողությունը՝ մարտի 10-ից մարտի 31-ը

2.Մասնակիցները՝ 6-րդ դասարանցիներ

3.Նպատակը՝ սովորողները ձեռք են բերում զատկի հետ կապված ավանդույթների մասին անգլերենով պատմելու կարողություն:

4. Նախագծի վերջնական արդյունքը. պատրաստվելու է տեսադաս, ուր սովորողները միմյանց հարցեր տալով պարզելու են զատկի տարբեր ավանդույթների  հետ կապված մանրամասնություններ:

5. Նախագծիիրականացմանհամարանհրաժեշտգործողություններիծրագիրը

  • Սովորողներին հանձնարարվում է կարդալ Ռուդիկ Հայրոյանի <<Զատիկ>> գիրքը:
  • Դասավանդողը գրքի որոշ հատվածների հիմնական բովանդակությունը փոխադրում է պարզեցված անգլերենով, որը սովորողները ուսումնասիրում են համեմատելով այն գրքի համապատասխան հատվածների հետ:
  • Անգլերեն տեքստերը յուրացնելուց հետո սովորողները միմյանց տալիս են հարցեր և ստանում պատասխաններ: Քննարկման ընթացքը ձայնագրվում է:

6.Վերջնական արդյունքը. Ուսումնական նյութ «Traditions Connected with Easter», որն իր մեջ ներառում է զատկական տեքստեր, հարց ու պատասխաններ իրենց ձայնագրություններով ու նկարներով:

Սովորողների նյութերը

Սոնա Շահբազյան http://b4.mskh.am/node/6720

Էլեն Մինասյան http://elenminasyan11.wordpress.com/english/

Հրաչյա Եղիազարյան http://archy2002.wordpress.com/category/english/

Միլենա Մկրտչյան http://mkrtchyanmilushik.blogspot.com/p/english.html

Լիլիթ Մկրտչյան http://lilitmkrtchyan.wordpress.com/english/