1-ին և 2-րդ դասարաններում ճամբարի ընթացքում նախատեսում եմ տարբեր ուսումնական խաղեր:

3-րդ և 4-րդ դասարաններում` հեքիաթների ունկնդրում, բանավոր քննարկում և արդյունքների լուսաբանում Դպրոց-պարտեզի ենթակայքում:

6-րդ դասարաններում նախատեսում եմ 4-րդ դասարանցիների հորինած իմաստուն հեքիաթների անգլերեն թարգմանություններ կատարել, ինչով նաև կպատրաստվենք թարգմանչական ստուգատեսին: Նախատեսում եմ նաև իրականացնել քաղաքային ճամփորդություններ և դրանց լուսաբանումը մեր ենթակայքում:

The GoodBye Song

Видео 19 мая, 201419 мая, 2014 Աննա Գանջալյան Karaoke

Անգլերենի իմ ուսումնական նախագծերը

11 мая, 201411 мая, 2014 Աննա Գանջալյան Հոդվածներ

Երբ կազմում էի իմ 2013-2014 ուստարվա նախագծերը, ուսումնական նախագծերի մասին որևէ տեսական գիրք, հոդված չէի կարդացել, բացի մեր կրթահամալիրի փորձառու դասավանդողների ներկայացրած նախագծերից: Կարդալով մեր կրթահամալիրի փորձառու մանկավարժների ներկայացրած նախագծերը՝ ես ինձ համար պարզեցի ուսումնական նախագծերին ներկայացվող այն հիմնական մոտեցումները, որոնք որոշակի առարկայական առանձնահատկությունների տարբերությամբ ընդհանուր էին գրեթե բոլոր նախագծերում: Ահա այդ ընդհանրությունները`

Բոլոր նախագծերն ունեն իրենց կատարման ժամկետները
Բոլոր նախագծերում նշվում է, թե որ դասարանների համար են դրանք նախատեսված
Բոլոր նախագծերում նշվում են այն գիտելիքներն ու կարողությունները, որոնք ձեռք են բերում սովորողները նախագիծ իրականացնելիս
Բոլոր նախագծերում նշվում են, թե ինչ վերջնական արդյունք են ունենում դրանք (ուսումնական նյութ, տեսաֆիլմ, էլեկտրոնային գիրք և այլն)
Բոլոր նախագծերում նկարագրվում են այն գործողությունների ծրագրերը, որոնց կատարումով նախագիծն իրականանում է:

Հաշվի առնելով բոլոր այս ընդհանրությունները, ես կազմեցի իմ ուսումնական նախագծերը, որոնք տեղադրել եմ իմ բլոգում :

Հիմա ես ուզում եմ մի փոքրիկ հետազոտական աշխատանք կատարել` համեմատելով 6-րդ դասարանի համար կազմած իմ ուսումնական նախագիծը` «Ներկայացնում ենք մեր կատարած ուսումնական ճամփորդությունները անգլերեն» Մարիա Ստուպնիցկայայի գրքում նշված տեսական պնդումների հետ: Գրքի 6-րդ էջում կարդում ենք. «проект обязательно должен иметь ясную, реально достижимую цель. В самом общем смысле целью проекта всегда является решение исходной проблемы, но в каждом конкретном случае это решение имеет собственное, неповторимое воплощение-նախագիծն անպայման պետք է ունենա պարզ, իրատեսորեն հասանելի նպատակ: Ամենաընդհանուր իմաստով նախագծի նպատակը միշտ էլ մի ինչ-որ նախանշած խնդրի լուծումն է, բայց յուրաքանչյուր կոնկրետ դեպքի համար այդ լուծումն անձնական, անկրկնելի մարմնավորում է ստանում»: Ուսումնական նախագծի նպատակի մասին այս տեսական պնդումը էականորեն տարբերվում է մեր կրթահամալիրի դասավանդողների նախագծերում և իմ կազմած նախագծում նշված նպատակներից: Մարիա Ստուպնիցկայայի գրքում չի կարևորվում ուսումնական նպատակը, այսինքն այն գիտելիքներն ու կարողությունները, որոնք ձեռք են բերվում նախագիծն իրականացնելիս: Օրինակ, 6-րդ դասարանի համար նախատեսված իմ ուսումնական նախագծում կարևորել եմ այս ուսումնական նպատակը. «Սովորողները ձեռք են բերում տարբեր ժամանակներում իրենց արդեն կատարած և սպասվելիք ճամփորդությունները հավաքելու և տվյալ թեմայով մի ընդհանուր պրեզենտացիա անելու կարողություն անգլերեն լեզվով»: Այսինքն, սովորողները ձեռք են բերում իրենց կատարած աշխատանքի մասին հաշվետվություն ներկայացնելու կարողություն, որը մարդու համար ամենակարևոր անձնական կարողություններից է: Գրքի հեղինակը կարևորում է միայն առաջադրված խնդրի լուծման վերջնական արդյունքը, որին սովորողները հասնում են`լարելով իրենց բոլոր ուժերն ու կիրառելով իրենց գիտելիքները: Նորից 6-րդ էջից մեջբերում եմ անում առանց թարգմանության, քանի որ ամեն ինչ շատ պարզ է ասված: Այստեղ ոչ մի խոսք չկա նոր գիտելիքների և կարողությունների ձեռքբերման մասին. «Для ученика проект–это возможность максимального раскрытия своего творческого потенциала. Это деятельность, которая позволяет проявить себя индивидуально или в группе, попробовать свои силы, приложить свои знания, принести пользу, показать публично достигнутый результат. Это деятельность, направленная на решение интересной проблемы, сформулированной самими

учащимися. Результат этой деятельности – найденный способ решения проблемы – носит практический характер и значим для самих открывателей»: Փաստորեն դասավանդողը նախագծի այնպիսի խնդիր է առաջադրում, որին կարելի է հասնել միայն որոշակի գիտելիքներ ունենալու դեպքում: Գիտելիքների պաշարի գործածման այս ձևը ինչո՞վ է տարբերվում ոչ նախագծային ուսուցումից: Իմ կարծիքով ուսումնական նախագծի վերջնական արդյունքի ներկայացման ձևը (տեքստային ուսումնական նյութ, քարտեզ, տեսանյութ, հարցազրույց, էլեկտրոնայինգիրք), իհարկե, պետք է հայտնի լինի, բայց բովանդակությունը պետք է անհայտ լինի: Հենց դրանով է նախագիծը հետաքրքիր: Օրինակ, տարբեր երեխաներ միևնույն ճամփորդության մասին տարբեր բովանդակության տեքստեր են գրում և տեսանյութեր պատրաստում: Մինչդեռ, Մարիա Ստուպնիցկայայի գրքում որպես օրինակներ են տրված այնպիսի հարցեր, որոնց պատասխանները մոտավորապես նույնը կլինի շատ կարդացած, գիտելիքներով հարուստ մարդկանց կողմից: Ահա այդ նախագծերի օրինակները. « «Алхимики–колдуныилиученые?» (химия), «Все знают, что курить вредно, почему же люди курят?» (биология), «Климат будущего. Москва под водой?» (география), «Граффити: за и против» (иностранный язык), «Деньги правят миром?» (экономика); «Большой адронный коллайдер – конец или начало?» (физика).

Այսուհանդերձ, լիովին համաձայն եմ գրքի երկրորդ բաժնում շարադրված մտքերի հետ, որոնք վերաբերում են դասավանդողիև սովորողի համագործակցության ձևերին` կապված սովորողների տարիքի հետ: Հեղինակը մանրամասն վերլուծության է ենթարկում տարբեր դասարաններում նախագծերի կատարման ընթացքում դասավանդողի միջամտության ձևերը և օգնության չափերը: Որքան ցածր դասարանների սովորողների հետ գործ ունենք, այնքան օգնությունը հաճախակի է և առարկայական: Եվ ընդհակառակը` որքան բարձր դասարանների հետ գործ ունենք, այնքան օգնությունը հազվադեպ է և ոչ առարկայական: Օրինակ, գրքի 16-րդ էջում հեղինակը գրում է, որ 5-6-րդ դասարացիների հետ աշխատելիս ուսուցչի օգնությունը պետք է էական լինի նախագծային աշխատանքի բոլոր էտապներում. «Tем не менее пяти- и шестиклассники нуждаются в значительной обучающей и стимулирующей помощи педагога почти на всех этапах работы над проектами»: Ես հենց այդպես եմ վարվում իմ վեցերորդցիների հետ «Ներկայացնում ենք մեր կատարած ուսումնական ճամփորդությունները անգլերեն» նախագիծն իրականացնելիս: Յուրաքանչյուր Ճամփորդությունից առաջ նախօրոք տեղեկատվություն եմ հայթայթում այն պատմական հուշարձանների, բարձունքների մասին, որոնք այցելելու ենք, և դեռ ավտոբուսի մեջ աշխատում եմ անգլերենով կարճ տեղեկատվություն տալ նրանց այդ ամենի մասին: Երբ ճամփորդությունից հետո նրանք գրում են իրենց տպավորությունները, ես դրանք խմբագրում եմ և մի քանի դասաժամերի ընթացքում պարբերաբար հարց ու պատասխանների միջոցով այնպես եմ անում, որ սովորողն իր գրած նյութը կարողանում է բանավոր կերպով լավ ներկայացնել: Ես օգնում եմ սովորողներին նաև նախագծի վերջնական արդյունքի ստեղծման գործում` կազմակերպելով ձայնագրությունների, տեսանյութերի մոնտաժման աշխատանքները:

Նախագծային աշխատանքների վերջնական արդյունքներ.

<<Մխիթար Սեբաստացու>> օրերին ընդառաջ

<<Ուսուցչի օրը>>

<<Սուրբ Ծնունդ և Ամանոր>>

<<Թումանյանական օրերին ընդառաջ>>

<<Զատիկը աշխարհում>>

Օգտագործված աղբյուրներ

http://gradaran.mskh.am/sites/default/files/project.pdf