Նախագիծ <<Անգլերենը մեր տանը>>

Մասնակիցները՝

Հարավային դպրոցի 1-ին, 2-րդ և 3-րդ դասարանի սովորողները

Տևողությունը՝ 20.10-10.12

Նպատակը.

Սովորողներն իրենց ծնողների օգնությամբ ու անմիջական մասնակցությամբ ստեղծելու են ֆիլմ, որտեղ սովորողը պետք է անգլերենով մի փոքր պատմի իր կամ իր ընտանիքի, ընկերոջ, խաղալիքների, սենյակի մասին:

Արդյունքը

Կլինի ուրախ, հավես տեսաֆիլմ, որը կհրապարակվի սովորողի և դասավանդողի բլոգում:

1-ին դասարանի սովորող Կառոլինայի երկխոսոությունը իր հայրիկի հետ:

1-ին դասարանի սովորող Թոմի երկխոսությունը իր մայրիկի հետ:

1-ին դասարանի սովորող Մարիի երկխոսությունը իր եղբոր հետ:

1-ին դասարանի սովորող Րաֆֆիի երկխոսությունը իր հայրիկի հետ:

1-ին դասարնի սովորող Հասմիկի երկխոսությունը իր քույրիկի հետ:

1-ին դասարանի սովորող Սվետլանայի երկխոսությունը իր մայրիկի հետ:

 1-ին դասարանի սովորող Վալերիի երկխոսությունը իր մայրիկի հետ:

3-րդ դասարան

Համագործակցային նախագիծ. Մեր զբոսայգիները

Մասնակիցները՝ Հարավային դպրոցի 5-րդ դասարանցիները

Դասավանդողներ՝ Մարիամ Քալանթարյան, Աննա Գանջալյան

Նպատակը.

Զարգանում է սովորողների անգլերեն և ռուսերեն խոսելու կարողությունները այնպիսի թեմաներով, որոնք սիրելի և հոգեհարազատ են իրենց: Զարգանում է նաև սովորողների գրելու և թարգմանչական կարողությունները հայերենից անգլերեն և ռուսերեն:

Նախագծի ընթացքը.

Սովորողները բաժանվում են երկու խմբի: Առաջին խմբի սովորողները ինքնուրույն կազմում են հայերեն տեքստ այն զբոսայգու մասին, որը կուզենային ներկայացնել: Տեսքտը դասավանդողի խմբագրելուց հետո իրենք թարգմանում են այն անգլերեն և ռուսերեն: Որից հետո այցելում են տվյալ զբոսայգին, լուսանկարում են իրենց պատումի վայրերը:

Երկրորդ խմբի սովորողների հետ դասավանդողի աջակցությունը ավել իշատ է լինում: Նպատակն այն է, որ ամբողջ դասարանը մասնակցի նախագծի իրականացմանը: Դասավանդողը պարզ հայերենով մշակում է որևէ զբոսայգու մասին տեքստ և դասարանում անգլերենի ժամին միասին փորձում են նախադասություն առ նախադասություն թարգմանել անգլերեն, իսկ ռուսերենի դասին՝ ռուսերեն:

Ակնկալվող արդյունքը՝

սովորողները կկարողանան 2 օտար լեզվով ներկայացնել իրենց սիրելի զբոսայգիները: Նախատեսվում է ստեղծել նաև եռալեզու էլեկտրոնային գիրք, որը շատ լավ ուսումնական նյութ կլինի իրենց կրտսեր ընկերների համար:

Սուրբ Երրորդություն եկեղեցու զբոսայգին

Հովհաննես_Շիրազ_11 Մենք ուզում ենք խոսել Երևանի զբոսայգիների մասին: Սկզբում մենք կխոսենք այն զբոսայգու մասին, որը մոտ է մեր դպրոցին: Դա Սուրբ Երրորդություն եկեղեցու շուրջը գտնվող զբոսայգին է: Այն մեծ է և շատ երեխաներ սիրում են գնալ այնտեղ երեկոներին ամռանը: Այս զբոսայգին լավ է հեծանիվ, անվաչմուշկ վարելու համար: Ես սիրում եմ վարել հեծանիվ այնտեղ: Այն երեխաները, ովքեր չունեն հեծանիվ, կարող են վարձակալել դրանք: Այնտեղ կան նաև խաղահրապարակներ փոքր երեխաների համար: Կան ճոճանակներ և սղարաններ այնտեղ:

Հովհաննես Շիրազի հուշարձանը գտնվում է զբոսայգու կենտրոնում: Հուշարձանից ոչ շատ հեռու կա մի բեմահարթակ բացօթյա համերգների համար: Ձմռանը՝ դեկտեմբերի 20-ին, մարդիկ մի մեծ տոնածառ են զարդարում այդ բեմահարթակի վրա:

Զորավար Անդրանիկի մոտ գտնվող զբոսայգին

image-0-02-05-b6a4e4f8526d0935f9f7092872803205002df3368517bdfd8c503ff0022e641e-V

Մեր թաղամասում մենք մեկ ուրիշ զբոսայգի ունենք, որը սիրում ենք այցելել: Դա Զորավար Անդրանիկի արձանի մոտ գտնվող զբոսայգին է: Այս զբոսայգին հեծանիվ վարելու կամ անվաչմուշկներով սահելու համար չէ: Մեծահասակները կամ ծերունիները գալիս են այս զբոսայգի՝ շախմատ խաղալու համար: Փոքր երեխաները սիրում են այս զբոսայգին այդտեղի ատրիակցիոնների համար: Այդտեղ կան տարբեր կարուսելներ, ճոճանակներ, փոքր գնացքներ, փչովի բատուտներ ցատկոտելու համար: Ես սիրում եմ գնալ այս զբոսայգին իմ ծնողների հետ: