Համագործակցային նախագիծ. Մեր զբոսայգիները
Մասնակիցները՝ Հարավային դպրոցի 5-րդ դասարանցիները
Դասավանդողներ՝ Մարիամ Քալանթարյան, Աննա Գանջալյան
Նպատակը.
Զարգանում է սովորողների անգլերեն և ռուսերեն խոսելու կարողությունները այնպիսի թեմաներով, որոնք սիրելի և հոգեհարազատ են իրենց: Զարգանում է նաև սովորողների գրելու և թարգմանչական կարողությունները հայերենից անգլերեն և ռուսերեն:
Նախագծի ընթացքը.
Սովորողները բաժանվում են երկու խմբի: Առաջին խմբի սովորողները ինքնուրույն կազմում են հայերեն տեքստ այն զբոսայգու մասին, որը կուզենային ներկայացնել: Տեսքտը դասավանդողի խմբագրելուց հետո իրենք թարգմանում են այն անգլերեն և ռուսերեն: Որից հետո այցելում են տվյալ զբոսայգին, լուսանկարում են իրենց պատումի վայրերը:
Երկրորդ խմբի սովորողների հետ դասավանդողի աջակցությունը ավել իշատ է լինում: Նպատակն այն է, որ ամբողջ դասարանը մասնակցի նախագծի իրականացմանը: Դասավանդողը պարզ հայերենով մշակում է որևէ զբոսայգու մասին տեքստ և դասարանում անգլերենի ժամին միասին փորձում են նախադասություն առ նախադասություն թարգմանել անգլերեն, իսկ ռուսերենի դասին՝ ռուսերեն:
Ակնկալվող արդյունքը՝
սովորողները կկարողանան 2 օտար լեզվով ներկայացնել իրենց սիրելի զբոսայգիները: Նախատեսվում է ստեղծել նաև եռալեզու էլեկտրոնային գիրք, որը շատ լավ ուսումնական նյութ կլինի իրենց կրտսեր ընկերների համար:
Սուրբ Երրորդություն եկեղեցու զբոսայգին
Մենք ուզում ենք խոսել Երևանի զբոսայգիների մասին: Սկզբում մենք կխոսենք այն զբոսայգու մասին, որը մոտ է մեր դպրոցին: Դա Սուրբ Երրորդություն եկեղեցու շուրջը գտնվող զբոսայգին է: Այն մեծ է և շատ երեխաներ սիրում են գնալ այնտեղ երեկոներին ամռանը: Այս զբոսայգին լավ է հեծանիվ, անվաչմուշկ վարելու համար: Ես սիրում եմ վարել հեծանիվ այնտեղ: Այն երեխաները, ովքեր չունեն հեծանիվ, կարող են վարձակալել դրանք: Այնտեղ կան նաև խաղահրապարակներ փոքր երեխաների համար: Կան ճոճանակներ և սղարաններ այնտեղ:
Հովհաննես Շիրազի հուշարձանը գտնվում է զբոսայգու կենտրոնում: Հուշարձանից ոչ շատ հեռու կա մի բեմահարթակ բացօթյա համերգների համար: Ձմռանը՝ դեկտեմբերի 20-ին, մարդիկ մի մեծ տոնածառ են զարդարում այդ բեմահարթակի վրա:
Զորավար Անդրանիկի մոտ գտնվող զբոսայգին
Մեր թաղամասում մենք մեկ ուրիշ զբոսայգի ունենք, որը սիրում ենք այցելել: Դա Զորավար Անդրանիկի արձանի մոտ գտնվող զբոսայգին է: Այս զբոսայգին հեծանիվ վարելու կամ անվաչմուշկներով սահելու համար չէ: Մեծահասակները կամ ծերունիները գալիս են այս զբոսայգի՝ շախմատ խաղալու համար: Փոքր երեխաները սիրում են այս զբոսայգին այդտեղի ատրիակցիոնների համար: Այդտեղ կան տարբեր կարուսելներ, ճոճանակներ, փոքր գնացքներ, փչովի բատուտներ ցատկոտելու համար: Ես սիրում եմ գնալ այս զբոսայգին իմ ծնողների հետ:Լրացուցիչ անհատական աշխատանքներ
«Հայաստան» կինոթատրոնի հարևանությամբ գտնվող զբոսայգի
Մի փոքրիկ ու հաճելի զբոսայգի կա Հայաստան կինոթատրոնի մոտ: Այն լի է ծառերով և ամռանը միշտ ստվերոտ է այնտեղ: Մարդիկ գնում են այնտեղ շոգ ամռանը՝նստելու նստարաններին ծառերի տակ: Զբոսայգին շատ լավ են խնամում: Այստեղ միշտ մաքուր է և հանգիստ: Այստեղ չկան մեծ ատրակցիոններ և նույնիսկ հեծանիվ քշել չի թույլատրվում: Այգու մի փոքրիկ հատվածում երեխաների համար կան ճոճանակներ և սղարաններ: Վահան Տերյանի մի հուշարձան կա զբոսայգու կենտրոնում: Զբոսայգու մի ծայրում շատրվաններ կան, իսկ մյուս ծայրում մի մեծ պատ կա հայ մեծ գրողների, կոմպոզիտորների, բանաստեղծների, նկարիչների և դերասանների մեծ նկարներով: Ես սիրում եմ իմ ծնողների հետ գնալ այս զբոսայգին ամառվա շոգ երեկոներին: Մենք նստում ենք մի ծառի տակ և պաղպաղակ կամ ադի բուդի ուտում:
Նախագծի վերջնական արդյունքը եղավ պատկերազարդ երկլեզու էլեկտրոնային գիրք:
