Փոքրիկ առակներ. Կարել Չապեկ

xzgcy1xgg7pxp9gmh2bamnvhggh-pagespeed-ic-lqxofvd2sz  Աքաղաղը

Չի լուսանում:

Ես դեռ ազդանշան չեմ տվել:

Մեծամիտ, ինքնահավան նորաթուխ իշխանավորի մասին է:

Ճնճղուկ

Մեծ բան է՝ սոխա՜կ։

Մենք, ճնճղուկներս, ավելի շատ ենք։

Իսկական արվեստի գործը եզակի է լինում, իսկ միջակությունները՝ բազում:

Կոճղ

Ինչո՞ւ չեն ասում․ «Արժանապատիվ կոճղ»։

Պատիվ չունի նա, ում անընդհատ օգտագործում են որպես անխոս, անկարծիք, անդեմ մի մարդ:

Աղվես

Բոլոր կենդանի արարածները բաժանվում են երեք կարգի՝ թշնամիների, մրցակիցների և որսի։

Աղվեսաբարո մարդը գիտի ում հետ ինչպես վարվել:

Աշխատանքի բաժանում

Ես կնայեմ, թե դուք ինչպես եք աշխատում, իսկ դուք կնայեք, թե ես ինչպես եմ ուտում։

Տերն ու ծառան

Միօրիկ

Հարյուրամյա՜ կրիա։ Ինչպե՞ս կարելի է այդպես հրեշավոր կերպով հետամնաց լինել։

Միօրիկ թիթեռն է ծիծաղում, իսկ երեկոն մոտենում է:

Ճնճղուկ

Ինչպե՜ս, արտույտն իրավացի՞ լինի։ Դա բացառված է։ Ճշմարտությունը մեկն է, և այն՝ ճնճղուկային։

Երևի Կարել Չապեկը մի ինչ-որ հրաշքով կանխատեսել է 2020-ի հայաստանյան կառավարության տեսակետը՝ միջակության տեսակետը:))

Ծածան

Ոչ մի կենդանի էակ չի կարող ապրել՝ խորասուզված օդում։

Գունավոր երազները, հանկարծահաս հաջողությունների էյֆորային տրամադրությունը, օդում սավառնելը երկար չեն տևում և դու ստիպված իջնում ես իրական կյանք:

Էշ

Թո՛ւհ։ Այսպիսի լուրջ պահ, և կեռասենին առանց քաշվելու ծաղկում է իր համար։

Էշն ի՞նչ գիտի նուշն ինչ է: Նա երևի այդ պահին հանգիստ իր գարին է որոճում:

Աշնան տերև

Ժամանակի պահա՞նջը։ Գիտենք՝ սոսափել քամու դեմ։

Ամեն ինչ իր ժամանակին է արվում և անում է նա, ով այլ բան չի էլ կարող անել:

Փտում

Ես էլ եմ քայլում ժամանակի հետ։

Ժամանակ է անհրաժեշտ, որ սերմը ծիլ տա, ժամանակ է անհրաժեշտ, որ ծիլը ծաղկի ու իր ցողունը ձևավորի, իսկ ցողունից էլ՝ ծաղիկը ծաղկի: Իսկ միևնույն ժամանակ, մի ինչ-որ տան նկուղում սպիտակ սնկերն են աճում՝ փտման արդյունքում: Դրա համար էլ ժամանակ է պետք:

Հարևան

Այդ Արքիմեդը վախկոտի ու դավաճանի մեկն է։ Թշնամին ներխուժում է մեր քաղաքը, իսկ նա իր գծագրերն է գծագրում։

Անհեռատես մարդիկ միշտ էլ չեն գնահատել իրենց կողքն ապրող հանճարներին:

Շարունակելի…

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s