«Մխիթար Սեբաստացի» կրթահամալիր
Ծրագիրը կազմվել է ըստ ՀՀ կրթության բարելավման ծրագրի օտար լեզուների ուսումնական բնագավառի նոր չափորոշիչների և ծրագրերի, ինչպես նաև՝ «Մխիթար Սեբաստացի» կրթահամալիրի հեղինակային կրթական ծրագրով առարկայական ծրագրերին ներկայացվող նոր պահանջների:
Ծրագրի կազմակերպման անհրաժեշտ ուսումնական միջավայրը
Նյութական միջավայր
- թափանցիկ, ինքնասպասարկվող, ներառող
- պլանշետ/նոթբուք/նեթբուքներով ուսուցմամբ դասարաններ,
- Կրթահամալիրի բոլոր կաբինետները, ընթերցասրահները, լաբորատորիաները, արհեստանոց-արվեստանոցները աշխատում են անլար ինտերնետային WIFI ծածկույթով:
- Անգլերենի դասավանդման նյութական միջավայր են նաև բակը, դաշտային պայմանները, բնության և պատմության հուշարձանները, թանգարանները, ցուցահանդեսները, ուսումնական ճամբարները, ստեղծագործական հավաքները:
Մեդիա միջավայր
- mskh.am կայք, մեդիա գրադարան, TV
- Դասավանդողների և սովորողների ուսումնական բլոգներ, մանկավարժական/պատանեկան/մանկական էլեկտրոնային ամսագրեր
- Սոցկայքեր՝ Facebook, YouTube
- Տանը նույնպես, սովորողը պետք է ունենա համացանցին միացված համակարգիչ, ձայնագրիչ, թվային ֆոտոխցիկ և այլմիջոցներ, որոնք կարող են նպաստել հանձնարարությունն ավելի արդյունավետ կատարելուն:
Առարկայի ուսուցման նպատակը
Չորրորդ դասարանում անգլերենի ուսուցման նպատակն այն է, որ սովորողը անգլերենով հասկանա և օգտագործի ծանոթ և պարզ նախադասություններ՝ բավարարելու կոնկրետ կարիքները, կարողանա ներկայանալ, ներկայացնել իր շրջապատի մարդկանց՝ իր և նրանց մասին հաղորդելով պարզ տեղեկություններ, հաղորդակցվել գրավոր և բանավոր՝ գործածելով պարզագույն կառույցներ.
Ծրագիրն ապահովում է անգլերեն շփվելու, հաղորդակցվելու հմտությունների և կարողությունների զարգացում՝ ըստ խոսքային գործունեության հետևյալ ուղղությունների՝
1․Հաղորդակցություն
Ունկնդրում, ընկալում՝
- ընկալել և հասկանալ ուսուցչի հրահանգները,
- հասկանալ ուսուցչի և ընկերների խոսքը,
- լսել և հասկանալ նախօրոք բանավոր մշակված խոսքը, որը կարող է պարունակել մեկ-երկու անծանոթ բառ։
Խոսելը՝
- վարել փոքր երկխոսություններ ծանոթ թեմաների շուրջ,
- փոխանակել մեկ-երկու նախադասություն իրեն ծանոթ իրադրության մեջ
- հարցերով, խնդրանքով դիմել զրուցակցին և տալ դրանց պատասխանները։
Ընթերցելը՝
- ընթերցել պարզ տեքստեր՝ ընկալելով դրանց ընդհանուր իմաստը՝ առանց բառարանի օգնության
- կարողանալ բարձրաձայն կարդալ փոքր տեքստեր՝ պահպանելով առոգանության, հնչերանգի, շեշտադրության հիմնական կանոնները։
Գրելը՝
- կազմել և գրել նախադասություններ ծանոթ խոսքային նմուշներով՝ օգտագործելով սովորած բառերը,
- գրել փոքր շարադրություններ, շնորհավորական բացիկներ,
- լրացնել թեստեր, կատարել գրավոր վարժություններ։
Մենախոսություն՝
- Համառոտ վերարտադրել պարզ, տարբեր ուղիներով ստացված (ռադիո, հեռուստատեսությ ուն, համացանց) գրավոր կամ բանավոր խոսքի/տեքստի բովանդակությունը։
- Համառոտ նկարագրել իրեն, իր շրջապատը, իր առօրյան։
Լեզվանյութի կիրառում
- Կիրառել տվյալ մակարդակին, թեմային և հաղորդակցակա ն իրադրությանը համապատասխ ան լեզվական գիտելիք (բառապաշար, քերականություն, ուղղգրություն,ա րտասանութոյւն)։
2․Մշակույթ
Արժեքներ
- Ճանաչել ազգային և ուսուցանվող լեզվի մշակույթների մի շարք տարրեր, դրանց դրսևորումներն առօրյա կյանքում և դրսևորել հանդուրժողականություն։
Վերաբերմունք
- Ցուցաբերել հարգալից, հոգատար և պատասխանատու վերաբերմունք այլ ազգությունների, նրանց մշակույթների, իր շրջապատի մարդկանց, առարկաների և շրջակա միջավայրի նկատմամբ։
Նորմեր/կանոններ
- Իմանալ տանը, դպրոցում և այլ հասարակական վայրերում վարքի տարրական կանոնները 2. Ճանաչել առողջ ապրելակերպի սկզբունքները և հետևել դրանց։
Հետաքրքրություններ/նախասիրություններ
- Ճանաչել սեփական և այլոց նախասիրություններն ու հետաքրքրությունները։
3․Քննական և ստեղծարար միտք
Միտք
- Ձևակերպել կապակցված միտք արտահայտող պարզ խոսք։
- Բերել պարզ հիմնավորումներ։ 3. Ընտրել, ստեղծել և կիրառել մտքերն արդյունավետ կերպով ներկայացնող տեսողական միջոցներ։
Տրամաբանական կապեր
- Շարադրել մտքերը տրամաբանական հաջորդականությամբ և փոխկապակցվածությամբ։
- Հասկանալ պարզ խնդիրը՝ առաջարկելով դրա լուծման պարզ քայլաշար։
Վերլուծություն
- Դասակարգել շրջապատի իրերն ու երևույթները՝ ըստ դրանց հատկանիշների։
- Համեմատալ իրերն ու երևույթները՝ ճանաչելով հատկանիշների նմանություններն ու տարբերությունները։
Առաջընթաց
- Հասկանալ դրված խնդիրը և լուծել այն ըստ հրահանգների։
- Բերել լուծումների համար պարզ հիմնավորումներ;
4․Ինքնություն
Անհատականություն
- Հանդես գալ որպես ինքնակազմակերպված անհատ։
- Ճանաչել իր անհատական զարգացման գործում նոր հետաքրքրությունների և շփումների կարևորությունը։
Ընտանիք
- Դրսևորել հարգալից և հոգատար վերաբերմունք ընտանիքի անդամների նկատմամբ՝ օգնելով նրանց տնային գործերում։
- Խոսել քաղաքավարի ընտանիքի իր մեծ և տարեկից անդամների հետ
Համայնք
- Ճանաչել իր՝ համայնքի անդամ լինելու փաստը և համայնքի՝ իրեն առնչվող առօրյա խնդիրները։
Ծրագրի խնդիրները
Զարգացնել խոսելու հմտությունները. ծանոթ թեմաների շուրջ կարճ երկխոսությունների վարում, քննարկումների ժամանակ կարծիքների արտահայտում:
Զարգացնել գրելու հմտությունները. Կարճ պատմությունների հորինում, թարգմանությունների կատարում՝ տեղադրելով դրանք բլոգներում:
Ընդլայնել բառապաշարը՝ ավելացնելով այն ևս 100 բառով:
Զարգացնել ընթերցելու և ունկնդրելու հմտությունները. սովորողների տարիքին համապատասխան ֆիլմերի և մուլտֆիլմների դիտում, աուդիոնյութերի ունկնդրում, համապատասխան լեզվական մակարդակի տեքստերի ընթերցում՝ հասկանալով դրանց ընդհանուր իմաստը:
Զարգացնել սովորողի գիտելիքներն ու հմտությունները կիրառելու կարողությունը։
Միջառարկայական կապերի ստեղծում և համագործակցային նախագծերի իրականացում (մայրենի, մաթեմատիկա, տեխնոլոգիա, երգ):
Կիրառել ՏՀՏ-ներ (համակարգիչ, համացանց ֆոտոխցիկ, ձայնագրիչ)՝ ինքնուրույն: Ինքնուրույն լուսանկարներ անել և ձայնային ֆայլերով պատրաստել ֆիլմեր պարզ ծրագրերով (Movie Maker), կիրառել SkyDrive-ը, ուսուցչի օգնությամբ պատրաստել կարաոկե, բացել ծանոթ ուսումնական կայքեր, կատարել առաջադրանքներ:
Իրականացվող նախագծերը
Մխիթար Սեբաստացու օրեր.Թարգմանական նախագծեր. My Info Planet
Հաղորդակցական ընտանեկան նախագծեր
Նախագիծ՝ «Ընթերցում և քննարկում ենք Բրիտանական խորհրդի կայքում հրապարակված հեքիաթները»
Նախագիծ.«Ամանորը իմ ընտանիքում»
Թումանյանական օրեր. Նախագիծ «Հ. Թումանյանի հեքիաթները ներկայացնում ենք անգլերեն»
ՙՀամագործակցային նախագծեր. համագործակցային մի նախագծի ամփոփում՝ որպես օրինակ.
Նախագիծ. «Ընտանեկան-հեքիաթապատում ներկայացումներ»
Ճամբարային նախագծեր, առարկայի ծրագրով նախատեսված ուսումնական ճամփորդություններ
2023-2024 ուսումնական տարվա ընթացքում նախատեսվում են հետևյալ ուսումնական ճամփորդությունները՝
Հովհաննես Թումանյանի թանգարան http://www.toumanian.am/en
Հովհաննես Թումանյանի անվան Տիկնիկային թատրոն
Երևանի բուսաբանական այգի
Գեղասահքի դպրոց
Ուսումնական գործունեության բաղկացուցիչ մաս են կազմում նաև ամենամսյա ֆլեշմոբերը և ճամփորդությունները:
Սովորողների ուսումնական գործունեության ձևերը չորրորդ դասարանում
- Իրենց ծանոթ թեմաների շուրջ վարում են փոքրիկ երկխոսություններ, քննարկումներ անում, կարծիքներ արտահայտում:
- Հորինում են փոքր պատմություններ, կատարում թարգմանություններ ու հրապարակում դրանք իրենց բլոգներում:
- Դիտում են իրենց տարիքին համապատասխան ֆիլմեր և մուլտֆիլմներ, աուդիոնյութեր են լսում ու հասկանում, կարդում են տեքստեր և հասկանում դրանց ընդհանուր իմաստը:
- Զարգացնել սովորողի՝ իր գիտելիքներն ու հմտությունները կիրառելու կարողությունը։
- Միջառարկայական կապ են ստեղծում այլ ուսումնական առարկաների հետ (մայրենի, մաթեմատիկա, տեխնոլոգիա, երգ և այլն)։
- Կիրառում են ՏՀՏ-ներ (համակարգիչ, համացանց, ֆոտոխցիկ, ձայնագրիչ): Ինքնուրույն կարողանում են լուսանկարներից և ձայնային ֆայլերից պատրաստել ֆիլմեր պարզ ծրագրերով (Movie Maker), կիրառել SkyDrive-ը, ուսուցչի օգնությամբ պատրաստել կարաոկե, բացել ծանոթ ուսումնական կայքեր ու կատարել տրված առաջադրանքները:
- Ուսումնական գործունեության մեջ բաղկացուցիչ մաս են կազմում նաև ամենամսյա ֆլեշմոբերը:
Աշխատանք կրթական հատուկ կարիքներ ունեցող սովորողների հետ
Աշխատանք այն երեխաների հետ, ովքեր ուշադրության պակաս ունեն և լավ չեն հիշում այն, ինչը ասվել է.
- անհատական մոտեցում է ցուցաբերվում նրանց նկատմամբ: Դասի ընթացքում ուսուցիչը խնդրում է այդ սովորողներին կրկնել այն, ինչը հենց նոր է ասվել:
- Մի որևէ բան բացատրելուց հետո ուսուցիչը մոտենում է նրանց և ավելի մատչելի կերպով նորից բացատրում:
- Ուսուցիչը պետք է էլեկտրոնային նամակագրական կապ ունենա նման սովորողների ծնողների հետ և ամեն ինչ նրանց նույնպես բացատրի:
- Ուսուցիչը պետք է հետևի, որ նման սովորողները նշեն տնային հանձնարարության պահանջը իրենց բլոգում:
Աշխատանք այն սովորողների հետ, ովքեր ունեն գերակտիվ վարք և այդ պատճառով էլ երբեմն խանգարում են ուսումնական պարապմունքը.
- Ուսուցիչը հարկ է, որ խնդրի նման սովորողին շարժում պահանջող, բայց օգտակար գործողություններ կատարել դասի ժամանակ միացնել և անջատել հեռուստացույցը, և երբ նա ավարտում է մի գործ, պետք է գովել նրան և շնորհակալություն հայտնել:
- Ուսուցիչը պետք է ընթերցված տեքստի մասին դերային խաղ կազմակերպի և դրանում ներգրավի նաև գերակտիվ սովորողին:
- Ուսուցիչը երբեմն պետք է ընդհատի դասը և ֆիզիկական վարժությունների դադար հայտարարի, իսկ գերակտիվ սովորողին խնդրի, որ նա կատարի ֆիզկուլտուրայի ուսուցչի դերը:
- Ուսուցիչը պետք է դասի իր բացատրության գրավոր տարբերակը ուղարկի գերակտիվ սովորողին առցանց դասի տեսքով:
- Ուսուցիչը պետք է օրվա դասացուցակը և դասի ընթացքում գործողությունների հաջորդականությունը գրավոր տա գերակտիվ սովորողին:
- Ուսուցիչը պետք է էլեկտրոնային նամակագրական կապ ունենա գերակտիվ սովորողի ծնողների հետ:
Աշխատանք աուտիզմի անհաղորդության ախտանիշեր ունեցող սովորողների հետ.
- Ուսուցիչը հարկ է, որ չսրի նման սովորողի անհաղորդության ախտանիշերը` ստիպելով նրան խոսել ամբողջ դասարանի առջև։
- Նման սովորողին պետք է տալ ավելի կոնկրետ և գործնական առաջադրանքներ` ոչ խաղային, այլ իրական:
- Նման սովորողին չի կարելի մասնակից դարձնել լեզվական խաղերին, որոնք պահանջում են արագ խոսելու ունակություններ։
- Մինչ զույգերը խանութում գնումների դերախաղով են զբաղված, ուսուցիչը կարող է հանձնարարել անհաղորդության ախտանիշեր ունեցող սովորողին այդ նույնը գրավոր ներկայացնել համակարգչի օգնությամբ և վերջում գովել նրան, որ գրավոր ուսումնական նյութ պատրաստեց: Այդպիսով աուտիզմով սովորողը իրեն գնահատված կզգա և կհասկանա նաև, որ ուսուցիչը սիրում է իրեն:
- Նման սովորողի հետ աշխատելիս ուսուցիչը պետք է որքան հնարավոր է շատ տեսողական դիդակտիկ նյութեր օգտագործի:
Ակադեմիական բարձր ընդունակություններով օժտված սովորողների հետ աշխատանքը.
- Ուսուցիչը պետք է չծուլանա և յուրաքանչյուր դասին օժտված սովորողի համար պատրաստի առանձին հանձնարարություններ, որոնք ավելի դժվար են և ավելի մեծ աշխատանք են պահանջում։
- Երբեմն օժտված սովորողին կարելի է ուղարկել ընթերցասրահ` տալով նրան լրացուցիչ գրականության ցանկ, որպեսզի նա ինքնակրթությամբ բավարարի իր հետաքրքրությունները, և երբ նա վերջացնի այդ հանձնարարությունը, ուսուցիչը պետք է անպայման գովասանքի խոսքեր ասի նրան:
- Օժտված սովորողին կարելի է նստեցնել համակարգիչի առջև և տալ նրան համացանցից վերցված առավել բարդ հանձնարարություններ:
- Օժտված սովորողին կարելի է տալ նախագծային աշխատանք ինքնուրույն կատարելու համար:
- Ուսուցիչը կարող է խնդրել օժտված սովորողին, որ նա օգնի թեման լավ չյուրացրած սովորողին:
Ուսուցանվող թեմաները
1.Ես և իմ ընկերները
Թեմայի նպատակը՝
Ընդլայնել ընկերներին, ընկերությանը, ծանոթությանը վերաբերող թեմատիկ բառապաշարը։
- Ներմուծել և ամրապնդել իրեն, իր ընկերներին ներկայացնող շատ պարզ և կարճ արտահայտություններ։
- Զարգացնել պարզ բառերով և կարճ նախադասություններով իրեն և իր ընկերներին ներկայացնելու և ծանոթություն
հաստատելու հմտություն։ - Ներմուծել և ամրապնդել թեմային համապատասխան քերականական նյութ:
- Ձևավորել վերաբերմունք ընկերության ու ընկերասիրության կարևորության հանդեպ։
Լեզվական կարողություններ
- Հասկանալ ծանոթության, ընկերների մասին հնչող պարզ և կարճ խոսքը,
- Կարդալ և հասկանալ պարզ արտահայտություններով ու նախադասություններով կազմված տեքստեր՝ ընկերության/ընկերասիրության, ծանոթության մասին,
- Պարզ բառերով և կարճ նախադասություններով տեղեկություններ հաղորդել իր, իր դասընկերոջ կամ բակի ընկերոջ մասին,
- Կազմել կարճ գրավոր տեքստ իր, իր ընկերների մասին՝ օգտագործելով պարզ արտահայտություններ և նախադասություններ
- Պարզ հարցերի և պատասխանների միջոցով
- ծանոթություն հաստատել։
- Արժևորել ընկերությունը ու ընկերասիրությունը։
2. Իմ ընտանիքը
Թեմայի նպատակը
- Ընտանիքի անդամները անվանող բառապաշար,
- պարզ նախադասություն կազմելու համար անհրաժեշտ կառույցներ,
- համապատասխան քերականական նյութ։
Զարգացնել պարզ լեզվական միջոցներով ընտանիքը և առօրյան ներկայացնելու հմտություններ:
Խթանել ընտանիքի անդամների նկատմամբ հոգատար և հարգալից վերաբերմունքը։
Լեզվական կարողություններ
- Հասկանալ ընտանիք թեմայով հնչող պարզ և կարճ խոսքը,
Ներկայացնել իր ընտանիքի անդամներին պարզ նախադասություններով, - Ընտանիք և ընտանեկան առօրյա թեմայով տալ շատ պարզ հարցեր և պատասխանել իրեն ուղղված
հարցերին։
Դրսևորել հոգատար և հարգալից վերաբերմունք ընտանիքի անդամների նկատմամբ
3. Իմ տունը և իմ պարտականությունները
Թեմայի նպատակը՝
- Ընդլայնել տունը,սենյակը, տնային գործերը նկարագրող բառապաշարը։
- Զարգացնել տունը,սենյակը, տնային գործերը նկարագրող պարզ արտահայությունները գրավոր և բանավոր խոսքում
կիրառելու հմտություն։ - Ներմուծել և ամրապնդել թեմային համապատասխան քերականական նյութ։
- Ձևավորել հոգատար վերաբերմունք և պատասխանատվություն տան և իրերի հանդեպ։
Լեզվական կարողություններ
- Լսել և հասկանալ տունը և սենյակը նկարագրող, տնային գործերը թվարկող պարզ խոսքը,
- Ընթերցել և հասկանալ կարճ, պարզ տեքստեր տան, սենյակի նկարագրության վերաբերյալ
- Գրավոր և բանավոր նկարագրել իր տունը, սենյակը, պատմել իր տնային գործերի մասին՝ գործածելով շատ պարզ արտահայտություններ և նախադասություններ։
- Պատասխանել տան, սենյակի, իրերի, տնային գործերի մասին պարզ հարցերին և փոխադարձ հարցեր ուղղել զրուցակցին՝ գործածելով շատ պարզ բառեր ու նախադասություններ,
- Պատասխանատվություն և հոգածություն դրսևորել իր տան հանդեպ
4. Դպրոց, դպրոցական առօրյա
Թեմայի նպատակը
- Ընդլայնել դպրոցը, դասացուցակը, դպրոցական առօրյան ներկայացնող բառապաշարը։
- Ներմուծել և ամրապնդել թեմային համապատասխան քերականական նյութը։
- Զարգացնել դպրոցը, դասացուցակը, դպրոցական առօրյան շատ պարզ և կարճ արտահայտություններով ներկայացնելու
հմտություն։ - Ձևավորել հոգատար վերաբերմունք դպրոցի հանդեպ։
Լեզվական կարողություններ
- Հասկանալ դպրոցի, դպրոցական առօրյայի թեմաներով հնչող պարզ և կարճ խոսքը,
- Կարդալ և հասկանալ շատ պարզ տեքստեր դպրոցի, դպրոցական առօրյայի մասին,
- Տալ պարզ հարցեր դպրոցական առօրյայի, դասացուցակի մասին և արձագանքել նմանատիպ հարցերի,
- Կազմել շատ կարճ գրավոր տեքստ իր դպրոցի, դպրոցական առօրյայի և դասացուցակի մասին՝ գործածելով շատ պարզ արտահայտություններ և նախադասություններ։
- Դրսևորել հոգատար վերաբերմունք դպրոցի և դպրոցի գույքի նկատմամբ։
5. Նախասիրություններ, իմ սիրած զբաղմունքը
Թեմայի նպատակը՝
- Ներմուծել նախասիրությունների կարևորության գաղափարը
- Ընդլայնել նախասիրություն/հոբբի թեմային բնորոշ բառերի, արտահայտությունների և կառույցների պաշարը,
- Զարգացնել նախասիրությունների, նախընտրելի զբաղմունքների մասին կարճ կապակցված խոսք կազմելու հմտություններ,
- Ձևավորել վերաբերմունք ազատ ժամանակը ճիշտ տնօրինելու և նախընտրած գործով զբաղվելու հանդեպ։
Լեզվական կարողություններ
- Լսել և հասկանալ նախասիրությունների և հետաքրքրությունների մասին պարզ խոսքը (տեսանյութ, ձայնագրություն և այլն),
- Կարդալ և հասկանալ հետաքրքրությունների/հոբբիների մասին պարզ տեքստը,
- Հանդես գալ իր նախասիրությունների և հետաքրքրությունների մասին նախապես պատրաստված կարճ խոսքով՝բացատրելով, թե ինչն է իրեն դուր գալիս, ինչը՝ ոչ,
- Պարզ արտահայտություններով վարել շատ կարճ երկխոսություն իր և իր ընկերների նախասիրությունների մասին
6. Հագուստ, գնումներ
Թեմայի նպատակը՝
Ներմուծել և ընդլայնել սննդամթերքի, հագուստի և խանութների տեսակներին առնչվող բառապաշար
- Ներմուծել համապատասխան քերականական նյութ
- Զարգացնել պարզ լեզվական միջոցներով գնումներ կատարելու հմտություններ
- Ձևավորել գնումներ կատարելիս տեղեկություններ ստանալու ունակություններ
- Ձևավորել գնումներ կատարելիս գումարը խնայողաբար ծախսելու, միայն անհրաժեշտը և պիտանին գնելու
կարևորության գիտակցությունը։
Լեզվական կարողություններ
- Լսել և հասկանալ գնորդի և վաճառողի երկխոսության (ձայնագրություն, տեսահոլովակ) ընդհանուր բովանդակությունը
- Կարդալ և հասկանալ «Գնումներ» թեմայով պարզ տեքստեր
- Բացատրել իր նախընտրած հագուստի տեսակը, ձևը, չափսը, գույնը, ինչից է պատրաստված
- Երկխոսություն վարել պարենային խանութում/շուկայում գնումներ կատարելիս
- Գրել որևէ ճաշատեսակի/աղանդերի բաղադրիչների ցանկը
7. Տարվա եղանակներ
Թեմայի նպատակը
- Ներմուծել տարվա եղանակների և օրվա եղանակին առնչվող բառապաշար և թեմային համապատասխան քերականություն
- Զարգացնել պարզ նախադասություններով և կառույցներով տարվա և օրվա եղանակները նկարագրելու
կարողություններ - Ձևավորել օրվա/շաբաթվա եղանակի տեսության վերաբերյալ բանավոր տեղեկատվության ընկալման
հմտությունները - Զարգացնել օրվա եղանակի մասին տեղեկատվություն փոխանակելու կարողություններ
- Ձևավորել տարվա և օրվա եղանակին համապատասխան հագուստ կրելու կարևորության գիտակցություն
Լեզվական կարողություններ
- Լսել և հասկանալ օրվա և շաբաթվա օդերևութաբանական տեղեկատվությունը
- Պարզ բառերով և կարճ նախադասություններով նկարագրել տարվա և օրվա եղանակը,
- Պարզ նախադասություններով գրել տեքստ իր նախընտրած եղանակի մասին
- Շատ կարճ նախադասություններով զրուցել տարվա եղանակների մասին։
- Հագնվել տարվա եղանակին համապատասխան։
8․ Դպրոցական արձակուրդ
Թեմայի նպատակը՝
- Ներմուծել արձակուրդներին առնչվող բառապաշար և համապատասխան քերականական նյութ
- Ձևավորել արձակուրդների ժամանակ նախընտրելի զբաղմունքները նկարագրելու և դրանց մասին զրուցելու
հմտություններ - Ձևավորել վերաբերմունք արձակուրդները ճիշտ կազմակերպելու նկատմամբ
Լեզվական կարողություններ
- Լսել և հասկանալ Արձակուրդ թեմայով հնչող մենախոսության / երկխոսության (ձայնագրություն,տեսահոլովակ) ընդհանուր բովանդակությունը
- Նկարագրել արձակուրդներն անցկացնելու նախընտրած տեսակը /ծովափին, գյուղում, ճամբարում և այլն/
- Պարզ արտահայտություններով վարել շատ կարճ երկխոսություն իր և իր ընկերների արձակուրդների վերաբերյալ
- Կարդալ և հասկանալ Արձակուրդ թեմայով պարզ տեքստերում ներկայացված փաստերը
- Կազմել գրավոր տեքստ (60 բառի սահմաններում) իր առաջիկա ամառային արձակուրդի մասին:
9. Ուսումնական ճամփորդություններ, ճամբարներ
Տոներ
Մխիթար Սեբաստացու օրեր
Նոր տարի
Սուրբ Ծննդյան տոներ
Զատիկ
Ձոն
Երեխաների պաշտպանության օր
Ուսումնական տարվա վերջում սովորողների ձեռք բերած վերջնարդյունքները
Հաղորդակցություն
Ունկնդրելու և ընկալելու կարողությունները
Հասկանաում են առօրյա, այդ թվում՝ դպրոցական պարզ, բազմաքայլ հրահանգները։
Հասկանում են իրենց ծանոթ թեմաներով հնչող մենախոսության / երկխոսության (ձայնագրություն, տեսահոլովակ) ընդհանուր բովանդակությունը։
Ընթերցելու կարողությունները
Կարդում և հասկանում են պարզ հրահանգներ, հաղորդագրություններ, հայտարարություններ, բացիկներ, պաստառներ։
Կարդալ և հասկանում են ծանոթ թեմայով պարզ տեքստերում ներկայացված փաստերը, հիմնական բովանդակությունը։
Խոսելը (մենախոսություն և փոխներգործություն)
Պարզ բառերով և կարճ նախադասություններով նկարագրում են իրենց և իրենց շրջապատը։
Պարզ բառերով և կարճ նախադասություններով ներկայացնում են իրենց առօրյան։
Պարզ բառերով և կարճ նախադասություններով վերարտադրել ծանոթ թեմաներով տեքստերի հիմնական բովանդակությունը (սպորտ, առողջ ապրելակերպ, տարվա և օրվա եղանակ, արձակուրդ և այլն)։
Պարզ բառերով և կառույցներով արտահայտում են իրենց համաձայնությունը և անհամաձայնությունը:
Հարցնում և հայտնում են տեղեկություններ առարկաների թվի, քանակի, արժեքի և այլնի մասին:
Գրելու կարողությունները
Գրում են կարճ բացիկներ, նամակներ, հաղորդագրություններ:
Կազմում են գրավոր տեքստ (60 բառի սահմաններում) իրենց, իրենց շրջապատի, առօրյայի, նախասիրությունների մասին:
Գրավոր նշում են ամսաթիվը, ժամը, գործողության վայրը:
Մշակույթ
Արժեքներ
- Ճանաչել մշակութային արժեքների որոշ դրսևորումներ առօրյա կյանքում։
- Կարևորել հանդուրժողականությունն այլ ազգերի և մշակույթների նկատմամբ։
Վերաբերմունք
- Դրսևորել հարգալից վերաբերմունք աշխարհի այլ երկրների, ազգությունների, լեզուների, մշակույթների հանդեպ` ցուցաբերելով դրանք ուսումնասիրելու հետաքրքրություն:
- Դրսևորել շրջակա միջավայրի պահպանմանն ուղղված հոգատար և պատասխանատու վերաբերմունք՝ չվնասելով և չաղտոտելով այն։
Նորմեր/կանոններ
- Կազմել օրվա ռեժիմ և հետևել դրան։
- ճանաչել առողջ ապրելակերպի սկզբունքները և հետևել դրանց։
- Իմանալ տանը, դպրոցում և այլ վայրերում վարքի տարրական կանոնները
Հետաքրքրություններ/նախասիրություններ
Ճանաչել սեփական և յլոց հետաքրքրությունները և նախասիրությունները:
Քննական և ստեղծարար միտք
Միտք
- Արտահայտել կապակցված մտքեր տրված թեմայի շուրջ։
- Մտքերն արտահայտելիս բերել պարզ հիմնավորումներ:
- Օգտագործել տարբեր ոչխոսքային միջոցներ՝ արդյունավետ հաղորդակցություն ապահովելու համար։
Տրամաբանական կապեր
- Ճանաչել իր լսած/կարդացած նյութում մտքերի հաջորդականությունը և դրանց միջև կապերի տեսակները։
- Դասավորել մտքերը միմյանց հետ փոխկապակցվածությամբ (ընդհանուր/մասնավորր, պատճառ/հետևանք)՝ ճիշտ լեզվական միջոցների կիրառմամբ։
- Հասկանալ իր առջև դրված պարզ խնդիրը՝ առաջարկելով հաջորդական քայլեր այն լուծելու համար:
Վերլուծություն
- Խմբավորել շրջապատի երևույթները/իրերը ըստ դասերի։
- Նշել երևույթների/իրերի նմանություններն ու տարբերությունները
Առաջընթաց
- Հասկանալ իր առջև դրված խնդիրները:
- Բերել պարզ հիմնավորումներ, մտքեր և մեկնաբանել դրանք:
Ինքնություն
Անհատականություն
- Կարևորել նոր հետաքրքրությունների և շփումների դերը իր զարգացման գործում։
Ընտանիք
- Դրսևորել հարգալից վերաբերմունք իր ընտանիքի անդամ հասակակիցների և մեծերի նկատմամբ:
- Դրսևորել հոգատար վերաբերմունք ընտանիքի անդամների նկատմամբ՝ օգնելով առօրյա գործերում և գնումներում։
Համայնք
- Ճանաչել նեղ համայնքի իրեն առնչվող առօրյա խնդիրների պատճառները։
Քերականություն
- Simple Present բայական ժամանակաձևը և նրա ուղեկցող մակբայները (always, usually sometimes, never)
● Ածականների համեմատական և գերադրական աստիճանները
● to be բայի անցյալի ձևերը
● կանոնավոր բայերի անցյալի ձևերի կազմությունը
● Որոշ ամենատարածված անկանոն բայերի անցյալի ձևերը
● Ժամանակի նախդիրները in/on/at
● Present continuous – ներկա շարունակական բայական ժամանակի կիրառությունը
● Intensifier: Too- չափազանց
Գնահատում
Քանի որ 4-րդ դասարանում միավորային գնահատական չի դրվում, սովորողին տրվում է ոչ միավորային՝ որակական գնահատական՝ բնութագրելով սովորողի ուսումնառության կարողությունները յուրաքանչյուր ուսումնական շրջանում։
1-ին ուսումնական շրջան
1․Պետական չափորոշչի վրա հիմնված սովորողի լեզվական կարողությունները՝ ըստ առարկայական ծրագրի թեմաների՝
Սովորողը՝
Կարողանում է
Մասամբ է կարողանում
Դժվարանում է
Չի կարողանում
| Սովորողի լեզվական կարողությունները | Բնութագրող գնահատական |
| Հասկանում է ընտանիք թեմայով հնչող պարզ և կարճ խոսքը։ | |
| Ներկայացնում է իր ընտանիքի անդամներին պարզ նախադասություններով։ | |
| Ընտանիք և ընտանեկան առօրյա թեմայով տալիս է պարզ հարցեր և պատասխանում իրեն ուղղված հարցերին։ | |
| Լսում և հասկանում տունը և սենյակը նկարագրող, տնային գործերը թվարկող պարզ խոսքը։ | |
| Ընթերցում և հասկանում կարճ, պարզ տեքստեր տան, սենյակի նկարագրության վերաբերյալ | |
| Գրավոր և բանավոր նկարագրում իր տունը, սենյակը, պատմում իր տնային գործերի մասին՝ գործածելով պարզ արտահայտություններ և նախադասություններ։ | |
| Պատասխանում է տան, սենյակի, իրերի, տնային գործերի մասին պարզ հարցերին և փոխադարձ հարցեր ուղղում զրուցակցին՝ գործածելով պարզ բառեր ու նախադասություններ։ | |
| Հասկանում դպրոցի, դպրոցական առօրյայի թեմաներով հնչող պարզ և կարճ խոսքը։ | |
| Կարդում և հասկանում է պարզ տեքստեր դպրոցի, դպրոցական առօրյայի մասին։ | |
| Տալիս է պարզ հարցեր դպրոցական առօրյայի, դասացուցակի մասին և արձագանքում նմանատիպ հարցերի։ | |
| Կազմում է ոչ շատ երկար գրավոր տեքստ իր դպրոցի, դպրոցական առօրյայի և դասացուցակի մասին՝ գործածելով պարզ արտահայտություններ և նախադասություններ։ |
2․Սովորողի մասնակցությունը անգլերենի ծրագրով որոշված հեղինակային և կրթահամալիրի օրացույցային նախագծերին
Սովորողը՝
Մասնակցել է
Թերի է մասնակցել
Չի մասնակցել
| Մասնակցություն հեղինակային և կրթահամալիրի օրացույցային նախագծերին | Բնութագրող գնահատական/Սովորողի բլոգի հղումը |
| Մխիթար Սեբաստացու օրեր.Թարգմանական նախագծեր. My Info Planet/պարտադիր չէ | |
| · Հաղորդակցական ընտանեկան նախագծեր At the libraray-giving personal information Interview with famous people | |
| Նախագիծ՝ «Ընթերցում և քննարկում ենք Բրիտանական խորհրդի կայքում հրապարակված հեքիաթները» | |
| Նախագիծ.«Ամանորը իմ ընտանիքում» | |
| Երաժշտական համագործակցային նախագիծ. «Ներկայացնում ենք Ամանորյա և Սուրբ ծննդյան երգերի շարք» | |
| Լրացումներ |
3․Սովորողի մասնակցությունը անգլերենի ծրագրով որոշված ուսումնական ճամփորդություններին
Սովորողը՝
Մասնակցել է/Սովորողի բլոգի հղումը
Չի մասնակցել
4․Սովորողի մասնակցությունը ամենամսյա ֆլեշմոբերին
Սովորողը՝
Մասնակցել է
Չի մասնակցել
| Սովորողի մասնակցությունը ամենամսյա ֆլեշմոբերին | Բնութագրող գնահատական/Սովորողի բլոգի հղումը |
| Անգլերենի սեպտեմբերյան ֆլեշմոբ | |
| Անգլերենի հոկտեմբերյան ֆլեշմոբ | |
| Անգլերենի նոյեմբերյան ֆլեշմոբ | |
| Անգլերենի դեկտեմբերյան ֆլեշմոբ |
2-րդ ուսումնական շրջան/ուսումնամարզական ձմեռային ճամբար
Սովորողը՝
Ցուցաբերել է մասնակցություն
Չի ցուցաբերել մասնակցություն
| Սովորողի մասնակցությունը ձմեռային ճամբարին | Բնութագրող գնահատական/Սովորողի բլոգի հղումը |
| Մասնակցություն անգլերենի ծրագրով որոշված ճամբարային նախագծին(երին) | |
| Մասնակցություն ձմեռային ուսումնական ճամփորդություններին | |
| Մասնակցություն հունվարյան ճամբարային ֆլեշմոբին | |
| Լրացումներ |
3-րդ ուսումնական շրջան
1․Պետական չափորոշիչների վրա հիմնված սովորողի լեզվական կարողությունները՝ ըստ առարկայական ծրագրի թեմաների՝
Սովորողը՝
Կարողանում է
Մասամբ է կարողանում
Դժվարանում է
Չի կարողանում
| Սովորողի լեզվական կարողությունները | Բնութագրող գնահատական |
| Հասկանում է ծանոթության, ընկերների մասին հնչող պարզ խոսքը։ | |
| Կարդում և հասկանում է պարզ արտահայտություններով ու նախադասություններով կազմված տեքստեր, երկխոսություններ ՝ ընկերության/ընկերասիրության, ծանոթության մասին։ | |
| Պարզ բառերով և կարճ նախադասություններով նկարագրում է իր դասընկերոջը կամ բակի ընկերոջը։ | |
| Կազմում է գրավոր տեքստ, երկխոսություն իր, իր ընկերների մասին՝ օգտագործելով պարզ արտահայտություններ և նախադասություններ։ | |
| Լսում և հասկանում է օրվա և շաբաթվա օդերևութաբանական տեղեկատվությունը։ | |
| Պարզ բառերով և կարճ նախադասություններով նկարագրում տարվա և օրվա եղանակը։ | |
| Պարզ նախադասություններով գրում է տեքստ իր նախընտրած եղանակի մասին։ | |
| Շատ կարճ նախադասություններով դասընկերոջ հետ երկխոսւթյուն է վարում տարվա եղանակների մասին։ | |
| Լսում և հասկանում է գնորդի և վաճառողի երկխոսության (ձայնագրություն, տեսահոլովակ) ընդհանուր բովանդակությունը։ | |
| Կարդում և հասկանում է «Գնումներ» թեմայով պարզ տեքստեր։ | |
| Բացատրում է իր նախընտրած հագուստի տեսակը, ձևը, չափսը, գույնը, ինչից է պատրաստված։ | |
| Երկխոսություններ է վարում պարենային խանութում/շուկայում, հագուստի խանութում գնումներ կատարելիս։ | |
| Լրացումներ |
2․Սովորողի մասնակցությունը անգլերենի ծրագրով որոշված հեղինակային և կրթահամալիրի օրացույցային նախագծերին
Սովորողը՝
Մասնակցել է
Թերի է մասնակցել
Չի մասնակցել
| Սովորողի մասնակցությունը հեղինակային և օրացույցային նախագծերին | Բնութագրող գնահատական/Սովորողի բլոգի հղումը |
| Թումանյանական օրեր. Նախագիծ «Հ. Թումանյանի հեքիաթները ներկայացնում ենք անգլերեն» | |
| · Սուրբ Զատիկը իմ ընտանիքում | |
| Նախագիծ. «Ընտանեկան-հեքիաթապատում ներկայացումներ» | |
| Նախագիծ՝ «Ընթերցում և քննարկում ենք Բրիտանական խորհրդի կայքում հրապարակված հեքիաթները» | |
| · Հաղորդակցական ընտանեկան նախագծեր Describing people Introducing a friend shopping for clothes Ordering food in a cafe | |
| Լրացումներ | |
3․Սովորողի մասնակցությունը անգլերենի ծրագրով որոշված ուսումնական ճամփորդություններին
Սովորողը՝
Մասնակցել է/Սովորողի բլոգի հղումը
Չի մասնակցել
4․Սովորողի մասնակցությունը ամենամսյա ֆլեշմոբերին
Սովորողը՝
Մասնակցել է
Չի մասնակցել
| Սովորողի մասնակցությունը ամենամսյա ֆլեշմոբերին | Բնութագրող գնահատական/Սովորողի բլոգի հղումը |
| Անգլերենի փետրվարյան ֆլեշմոբ | |
| Անգլերենի մարտյան ֆլեշմոբ | |
| Անգլերենի ապրիլյան ֆլեշմոբ | |
| Անգլերենի մայիսյան ֆլեշմոբ |
4-րդ ուսումնական շրջան/ամառային ուսումնական ճամբար
Սովորողը՝
Ցուցաբերել է մասնակցություն
Չի ցուցաբերել մասնակցություն
| Սովորողի մասնակցությունը ամառային ուսումնական ճամբարին | Բնութագրող գնահատական/Սովորողի բլոգի հղումը |
| Մասնակցություն անգլերենի ծրագրով որոշված ճամբարային նախագծերին։ | |
| Մասնակցություն ամառային ուսումնական ճամփորդություններին։ | |
| Մասնակցություն հունիսյան ճամբարային ֆլեշմոբին։ | |
| Լրացումներ |
Տարվա ընթացքում սովորողի ակտիվ մասնակցությունը/պարտադիր չէ
Մասնակցություն կլոր սեղաններին
My Info Planet/Իմ տեղեկատվական մոլորակը մեդիահանրագիտարանի համար թարգմանական նյութերի աշխատանքներին։
Անգլերենի ուսուցումը կրտսեր դպրոցում 